Asgjësohen 1800 rrënjë kanabis, 2 veta në pranga

Policia e Vlorës ka asgjësuar 855 rrënjë kanabis sativa.

Burime të saj bëjnë me dije se në fshatin Tasgjas të Vlorës, janë identifikuar dhe shkatërruar 2 parcela të mbjella me kanabis sativa.

Sipas Policisë, lënda narkotike ishte e mbjellur në dy parcela. Pas identifikimit, pollicia ka bërë të mundur asgjesimin e bimëve narkotike dhe po heton për gjetjen e pronarëve të cilët janë identifikuar dhe po punohet për kapjen e tyre.

Ndërkohë vijojnë operacionet anti canabis nga ana e policisë së Shtetit në të gjithë territorin e vendit. Në një tjetër aksion të policisë së Shkodrës, janë asgjësuar 945 rrënjë kanabis sativa.

Sipas raportimeve të policisë së Shkodrës, janë ndaluar dhe arrestuar si të dyshuar për kultivimin e lëndës narkotike, shtetasit Nikoll Lazri dhe Preng Marku ndërsa është shpallur në kërkim shtetasi me inicialet A.J. 7 parcelat me lëndë narkotike u identifikuan dhe asgjesuan nga policia, përkatësisht 5 në fshatin Vukaj (535 rënjë) dhe 2 në fshatin Sqirre (350 rrënjë).