Ashpërsohen masat për dhunën në familje

Prej 18 nëntorit hyjnë në fuqi edhe ndryshimet e reja ligjore, sa i takon dhunës brenda familjes. Në ndryshimet e reja ligjore i sigurohen më shumë mbrojtje të dhunuarës duke e larguar menjëherë dhunuesin nga banesa. Edhe dhunuesit tashmë do i nënshtrohen rehabilitimit.

Drejtuese e Linjës së Këshillimit për gra e vajza, Iris luarasi thotë se vitet e fundit dhuna në familje pa pësuar rritje. Por edhe denoncimet nga gratë e dhunuara janë rritur gjithashtu.

Vetëm në vitin 2019, në Gjykatën e Tiranës janë regjistruar 2555 çështje për zgjidhje martese, shumica prej tyre për dhunë brenda familjes. Ndërsa për vitin 2020, janë 2138 çështje për divorc.