At*ntat studentit të Akademisë së Sigurisë, pl*goset kunati! Gjendet edhe makina e djegur

Një 30-vjeçar dhe kunati i tij, kanë rënë pre e një atentati këtë mbrëmje në qytetin e Shkodrës. Ata janë Gergj Ndershtiqaj 28 vjeç student në Akademinë e Sigurisë dhe kunati i tij 30-vjeç Gjin Nika. Të dy ndodhen në spital.

Ndërkohë, në afërsi të vendit të ngjarjes, uniformat blu kanë konstatuar duke u djegur një automjet tip “Renault”, i cili dyshohet se është përdorur nga autorët.

Në drejtim të vendit të ngjarjes janë nisur shërbimet e Policisë, drejtuesit e Drejtorisë Vendore të Policisë dhe të Komisariatit të Policisë Shkodër. Në ndihmë të Policisë vendore janë nisur disa grupe të Forcës Kombëtare të Sigurisë dhe të RENEA-s, si dhe specialistë nga Departamenti i Policisë Kriminale në Policinë e Shtetit.

Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe identifikimin e autorit. Pas sqarimit të rrethanave të ngjarjes dhe në përfundim të veprimeve të para, do të ketë informacion më të detajuar për këtë rast.