Auditimet energjetike – Konsumatorët e mëdhenj në “sitë”, i hapet rruga certifikimit të profesionistëve

Komisioni i Veprimtarive Prodhuese i ka hapur rrugën certifikimit të profesionistëve të parë të audituesve energjetikë, duke përcaktuar Agjencinë për Eficencën e Energjisë si institucionin përgjegjës për këtë proces.

Ndërkaq, komisioni vendosi forcimin e masave në rast të shkeljeve ligjore nga personat e certifikuar, duke përcaktuar heqjen e licencës për 3 vjet, ndërsa në rast përsëritjeje revokimin pa të drejtë riaplikimi.

Auditimi energjetik është një detyrim për çdo person juridik, publik ose privat që kategorizohet si konsumator i madh i energjisë, por pavarësisht se ky është një detyrim që përcaktohet në ligj që prej vitit 2015, ky proces nuk ka nisur ende.