Automatik dhe 17 kg kanabis në banesë, pranga 59-vjeçarit në Mirditë
Sekuestrohen 17 kg lëndë narkotike kanabis dhe një armë zjarri në Mirditë.
Operacioni policor i koduar “Kaçinari” çoi në pranga poseduesin e tyre, 59 vjeçarin me inicialet N.Gj.
“Bazuar në informacionet e marra në rrugë operative se në fshatin Kaçinar, Mirditë , një person posedonte në banesë lëndë narkotike dhe armë zjarri pa leje , u organizua dhe finalizua operacioni policor i koduar “Kaçinari” ,ku u bë kapja dhe arrestimi i shtetasit N.Gj.,59 vjeç, banues në fshatin Kaçinar , Mirditë” njofton policia.
Gjatë kontrollit të ushtruar në banesën e shtetasit N. Gj., shërbimet e Policisë kanë gjetur dhe sekuestruar në cilësinë e provës materiale rreth 17 kg lëndë të dyshuar cannabis sativa dhe një armë zjarri automatik.
Materialet iu referuan për veprime të mëtejshme, Prokurorisë së Rrethit Gjyqësor Lezhë , për veprat penale “Prodhimi dhe shitja e narkotikëve” dhe Armëmbajtja pa leje”.
