Avioni ushtarak rus rrëzohet teksa fluturonte drejt Ukrainës, 4 të vdekur
Aktualitet Bota E Premte, 24 Qershor 2022 10:22
Katër persona kanë vdekur pasi një avion transporti ushtarak Il-76 u rrëzua në qytetin Ryazan, në Rusinë perëndimore, të premten, njoftoi agjencia shtetërore e lajmeve TASS, duke cituar Ministrinë e Mbrojtjes Ruse.
Dhjetë persona ishin në bordin e avionit, sipas TASS.
Sipas Ministrisë së Mbrojtjes, avioni u rrëzua për shkak të një mosfunksionimi të motorit, ndërsa ka shtuar se nuk kishte asnjë ngarkesë në bord.
Daily Mail shkruan se aeroplani po fluturonte drejt Ukrainës në momentin kur është rrëzuar.
