Balili në pranga pas dy vitesh në arrati, pamje para dorëzimit

Klement Balili është dorëzuar në orët e para të mëngjesit të sotëm në afërsi të Finiqit rreth orës 09:00 pas negociatave të nipit të tij Rigels Balili me policinë, ndërsa më pas u shoqërua në Tiranë nga eskorta e Policisë së Shtetit ku i pranishëm ishte edhe drejtori Ardi Veliu. Klement Balili ka vendosur tre kushte për dorëzimin; mos ekstradimin në Greqi, proces të drejtë dhe kushte të mira në qeli. ”Peshku i madh” apo ”Magjistari” sikur është cilësuar nga ish-ambasadori i SHBA në Tiranë, Donald Lu vendosi që pas dy vitesh në arrati të përballet me drejtësinë.