Balliu: Rama tërhiqu, ajo që ndodhi dje një fraksion i vogël i asaj që do shohësh të enjten

Deputeti demokrat Klevis Balliu foli nga protesta e banorëve të Astirit, nga ku deklaroi se protesta të enjten do të vijojë akoma më e fortë se ajo e së shtunës.

“Lufta që filloi dje nuk është një luftë për partitë por është një luftë për të gjithë shqiptarët. Ju treguat se pavarësisht armëve të serbëve në duart e Edi Ramës, do vazhdoni të rezistoni. Edi Rama tërhiqu se ajo që pe në datë 16 ishte një fraksion i vogël i asaj që do shohësh të enjten. Qytetarë, ju ftoj të bëhemi bashkë të enjten për të marrë në dorë fatet tuaja”, deklaroi Balliu.