Ballkani i cenuar nga ”Fake News”

Pjesëmarrësit e konferencës së 4-t rajonale mbi sfidat e sigurisë në Europën juglindore, ranë dakort se vendet e Ballkanit janë më të cenueshmet në Europë nga lajmet e rreme dhe dezinformimi. Pak ditë më parë u tha se ky është një problem për të gjithë rajonin dhe këtë qëndrim e përforcoi edhe instituti Open Society në Sofje. Shqetësimi kryesor lidhur me raportime të tilla në median mainstream e përben Serbia dhe Republika Srpska e Bosnjes.

“Ngërci kryesor me Serbinë është se mediat më me influencë në vend, 6 të përditshme me shumë ndikim dhe pesë televizione kryesore janë pro-qeverisë e mbështesin presidentin Aleksandar Vucic dhe partinë e tij progresiste. Në hapësirën publike atje pothuajse nuk ka gazetari të paanshme”, thotë Marija Vučić nga platforma investigative KRIK.

Ajo shtoi se përhapja e lajmeve të rreme është e qëllimshme dhe se problem nuk ka të bëjë me mungesën e profesionalizmit apo gabimet. Në republikën Srpska, dy janë sipas gazetarit Emir Zulejhić, burimet kryesore te fake news, agjencitë e lajmeve RTRS dhe SRNA. Dezinformimi dhe lajmet e rreme po përhapen me një shpejtësi ta paprecendet sot nëpër botë përmes platformave sociale, por edhe mediave kryesore.