Ballkani Perëndimor, Macron: Do prezantojmë reformë për zonën Shengen

Presidenti francez, Emmanuel Macron ka paralajmëruar mbajtjen e një konference për Ballkanin Perëndimor, gjatë kohës që Franca do të marrë presidencën e BE në 1 janar.

“Fqinjësia jonë më e afërt është Ballkani Perëndimor i cili është më shumë se fqinjësi, është në zemër të Evropës”, tha Macron për gazetarët.

Për të presidenca e Francës synon që të kemi një Evropë të fuqishme në botë, e lirë për të bërë zgjedhjet e veta dhe e aftë për të zotëruar fatin e saj.

Po ashtu Macron tha se donte një Evropë që është në gjendje të kontrollojë kufijtë e saj dhe gjatë presidencës do të prezantojë një reformë të zonës Shengen.