Banka e Shqipërisë ”frenon” rënien e euros

Banka Qendrore me qëllimin për të ndaluar rënien e euros në kursin e këmbimit me lekun, ka zhvilluar 3 ankande për blerje valute në muajin tetor. Banka e Shqipërisë zhvilloi disa ankande në muajt prill-qershor, ku tërhoqi 272 milionë euro, me synimin për të rritur rezervën valutore.

Krahas blerjeve me ankand, prej datës 2 maj, Banka e Shqipërisë ka filluar edhe ndërhyrjet në tregun valutor në përmbushje të objektivave të politikës monetare, nëpërmjet blerjes së 137 milionë eurove.

Ndërhyrjet nuk kanë dhënë efekt të fortë në kursin, i cili e lë euron në kuota nën 100 lekë prej disa muajsh, megjithatë guvernatori është shprehur se Banka ka marrë masa për stimulimin e pagesave në lekë brenda vendit, për të dekurajuar transaksionet në euro.