Banorët e Postribës në protestë: Jemi në rrezik

Këtë të shtunë, banorët e Postribës në Shkodër kanë zhvilluar një protestë, pasi një firmë gurore sipas tyre po dëmton ujin e pijshëm për gjithë zonën dhe të gjitha burimet natyrore duke vështirësuar jetesën në këtë zonë. Ata i kanë bërë shkresa të gjitha institucioneve deri te kryeministri, por thirrjet e tyre kanë shkuar në vesh të shurdhër. Banorët shprehen se gurorja punon mbi ujësjellësin e Postribës dhe ata pinë ujë të ndotur që prej nisjes së punimeve. ”Është prishur jetesa me anë të kësaj guroreje. Të gjithë kërkesat kanë rënë në vesh të shurdhët. I bëjmë thirrje instancave që ne mos të bëhemi viktima. Presim përgjigje ose do të reagojmë vetë, pasi janë në rrezik jetët tona”.