Banorët e Unazës së Re vënë në dispozicion një ndërtesë 5-katëshe për familjet e pastreha nga tërmeti

Ne familjet dhe banorët e Unazës së Re, në solidaritet të plotë me situatën e post-termeteve, vëmë në dispozicion këtë ndërtese 5-katëshe për çdo familje e banor të pastrehë nga tërmeti sidomos për zonën e Durrësit e të Thumanës por jo vetëm!

Godina e banimit ka kapacitet banimi per rreth 200 persona, është 5-katëshe me ujë, drita, e kushte higjeno-sanitare shumë të mira, është afër 1 deri 3 minuta stacioneve të autobusëve, urban e interurban.

Spitali Ushtarak është vetëm 15 minuta larg në këmbë nga godina.
Godina e banimit ka dhe ambient magazinie.
Godina e banimit gjendet 100 m sapo hyn në Unazë të Re krahu i djathë te Sheshi Shqiponja.
Ne banoret e Unazës së Re bashkë me Aleancën për Teatrin marrim përsipër strehimin e te pastreheve pa afat deri në një zgjidhje të dytë!
Bashkë me Aleancën për Teatrin do t’ju sigurojmë ushqime rroba batanije dyshekë e çfarë tjetër ju nevojitet për ta kaluar me sa me pak dhimbje këtë situatë të veshtirë!
Çdo familje e banor i dëmtuar nga tërmeti mund të na kontaktojë jemi në dispozicion 24 orë për Ju. SHPERNDAJE SA MË SHUMË!