Bar-kafetë, Rama tregon se kur do të hapen

Kur pothuajse bëhet 1 muaj që Shqipëria është në shtetrrethim dhe hapur janë vetëm marketet, furrat e bukave dhe farmacitë, shqiptarët pyesin se kur do të hapen bar-kafetë. Kryeministri Edi Rama përmes një video live në facebook, ka njoftuar se bizneset bar-kafe do të hapen vetëm në fund të luftës kundër Covid-19. “Mbështetje për ekzistencë nga ata që janë në pikë të hallit deri tek ata që janë më pak në hall, do të ketë. Kjo është shtëpia jonë e madhe, shteti. E ndjen arka e shtetit, njësoj si arka e shtëpisë. Masat ekonomike nuk janë të tmerrshme, por janë të nevojshme për të ekzistuar dhe marr frymë. Kur të hapen baret, do jetë festa e luftës. Mjekësia jonë vazhdon të funksionojë. Kemi 23.5 përqind të kapacitetit të zënë nëpër spitale dhe kjo ka ndodhur falë punës së madhe të bërë nga ne”.