Bardhi pyetet nëse do i bashkohen protestës së Berishës

Ndërsa protesta e thirrur nga Sali Berisha pritet të nisë sot në orën 16:00, Sekretari i Përgjithshëm i Partisë Demokratike, Gazment Bardhi, ka thënë se ish kryeministri e ka protestën e sotme kundër vizitës së Vuçiçit ndonëse është munduar të gjejë arsye të tjera.

Ndër të tjera shtoi se PD sot nuk ka thirrur protestë por kushdo është i lirë për të protestuar por flet me bindje se të gjithë duan largimin e regjimit të Edi Ramës.

“Sot PD nuk ka thirrur protestë. Berisha ka thirrur protestë kundër presidentit serb, ndërsa nuk është hera e parë që vjen. Arsyet pse zgjedh këtë herë të protestojë, do të duhet media të hetojë dhe verifikojë. Rrëmuja dhe vijimi i rrëmujës nuk i ndihmon demokratët, është në interes të vetëm një individi”, tha Bardhi.