Bardhi sqaron pse protestuesit mblidhen poshtë ballkonit të Berishës dhe jo në Parlament

Sonte në ”Top Story”, i ftuar është kreu i grupit parlamentar të PD-së, Gazment Bardhi, ku foli për kaosin që grupi bën brenda në Kuvend dhe për Sali Berishën, që tashmë flet çdo natë tek dritarja dhe poshtë në rrugë janë mbështetësit e tij.

Grida Duma: Përse protestuesit shkojnë poshtë shtëpisë së Berishës dhe nuk protestojnë përpara parlamentit? Cila është strategjia që po ndiqni?

Gazment Bardhi: Besoj e kujtojmë që ka pasur protesta të qytetarëve përpara sallave ku zhvilloheshin seancat parlamentare.

Grida Duma: Poshtë ballkonit të Berishës mblidhen dhe mbajnë fjalime atje.

Gazment Bardhi: Patjetër që mund të ndiqet strategjia e përfoljes së të dyjave mënyrave. Kemi diskutuar që kjo do të jetë fillimisht betejë e deputetëve të opozitës. Askush nuk fliste më përpara, ndërsa sot mbështetësi më i madh i Edi Ramës të mos flasi. Edi Rama është një frikacak që nuk lejon kontrollin e parlamentit. Së dyti unë nuk kam gjetur një nga cilido nga partnerët ndërkombëtarë që më ka mohuar që pengesat janë legjitime. Ata kanë bërë thirrje për dialog.