“Baroni i dr*gës”, Gëzim Çela do të ekstradohet në Shqipëri nga Kosova. Ish-punonjësi i policisë i kthyer në narkotrafikant

Ministria e Drejtësisë, thotë se Gëzim Çela i njohur edhe si një prej trafikantëve më të mëdhenj të kokainës e heroinës në Europë, do të ekstradohet nga Kosova drejt Shqipërisë. Ai ka qenë punonjës policie, dhe ka dhënë pëlqimin e tij për t’u ekstraduar drejt Shqipërisë që do të kryhet më procedurë të thjeshtuar.

Çela është i njohur si “bosi i trafikut të drogës” që vinte nga Turqia, përmes Bullgarisë, Maqedonisë e Shqipërisë, drejt Kosovës dhe vendeve Perëndimore. Në vitin 2015, Çela akuzohej për trafik ndërkombëtar kokaine. Në vilën e tij në Fushë Kuqe u gjet një sasi prej 18 kg kokainë.

Çela u arrestua më 9 dhjetor në fshatin Dardani të Ferizajt nën shoqërinë e dy vajzave nga Shqipëria. Me të ishte dhe personi që e ka strehuar për një kohë në shtëpinë e tij në një fshat të Vitisë.

Ai doli përgjimet e operacionit “Flakë në Det”, i nisur që në 15 gusht të këtij vitit dhe u shpall në kërkim nga SPAK në 9 Tetor, ditën kur u arrestua Dritan Metaj, shefi i komisariatit të Kurbinit i dyshuar në mbështetje të aktivitetit kriminal të të ashtuquajturit “baroni i drogës”, ndërsa ishin shpallur në kërkim edhe Arben Dalipaj, nga Vlora dhe Roland Guza nga Durrësi.