Basha: “Dimri” 8-vjeçar përfundon pas dy ditësh

Në fjalën e tij në mbyllje të fushatës të PD-së në sheshin ”Nënë Tereza”, kreu demokrat Lulzim Basha, tha se dimri 8-vjeçar do të marrë fund pas dy ditësh. ”Dimri 8-vjeçar ka edhe dy ditë për të përfunduar. Tirana do t’i prijë të dielën pjesëmarrjes masive dhe fitores më të thellë të Shqipërisë dhe shqiptarëve. 8 vite me radhë, Rama zhvati dhe grabiti, vendit ia mbylli portat e integrimit dhe mendoi se u bë zot i votës suaj. Por, kjo nuk është Tirana e Edi Ramës, por e shqiptarëve. Të dielën, me votën tuaj, do ta rimerrni Tiranën, Shqipërinë dhe fatin tuaj në duart tuaja”, nënvizoi Basha.