Basha mesazh urimi kreut të ri të CDU: Pres bashkëpunim për Integrimin e Shqipërisë

Kreu i Partisë Demokratike, Lulzim Basha ka uruar Armin Laschet për zgjedhjen e tij në krye të CDU-së, partisë simotra të PD-së. Basha thekson se PD do të bashkëpunojë me CDU-në për të integruar Shqipërinë në Bashkimin Europian.

“I nderuar Armin Laschet urime për zgjedhjen tuaj si kryetar i CDU-së. Shumë suksese në drejtimin e simotrës tonë CDU drejt fitores në zgjedhjet e ardhshme. Unë dhe Partia Demokratike presim të vijojmë punojmë së bashku për të avancuar integrimin e Shqipërisë në BE”, shkruan Basha.