Basha tha se s’jep votën për Amnistinë Penale, Rama: Kur e tha? Ka qenë akoma përgjumësh

Nesër në Kuvend do të jetë pjesë e rendit të ditës, edhe votimi i Amnistisë Penale, por PS-ja nuk i ka 84 votat. Sot Lulzim Basha tha se nuk do të jepte votën e tij, mirëpo kryeministri Edi Rama nuk i kurseu ironitë. Kur u pyet se me kë do i bënte 84 votat në Kuvend, Rama e kaloi me batutë.

“Kush është ky, kur e tha? Ka qenë akoma përgjumësh”, ironizoi Rama. Ky reagim erdhi pasi Basha deklaroi sot se ai dhe grupi i deputetëve që e ndjekin nuk do të marrin pjesë në seancën e ditës së nesërme të Kuvendit, ku pritet të miratohet dhe amnistia penale, e cila ka nevojë për 84 vota.

Sipas tij, drafti aktual i qeverisë për amnistinë parashikon lehtësira për zyrtarët e korruptuar dhe nuk përfshin qytetarët që sipas tij kanë qenë viktima të këtij korrupsioni.