Bashkia e Rrogozhinës shkon në zgjedhje të parakohshme

Kryetari i Bashkisë Rrogozhinë, Edison Memolla është dënuar me 1 vit burg, me vendim të Gjykatës së Posaçme të Apelit, për veprën penale të “Korrupsioni aktiv në zgjedhje” kryer në bashkëpunim.

Memolla u mor i pandehur nga SPAK më 19 tetor 2023, pas një denoncimi ku gjatë fushatës elektorale urdhëronte punonjësit e OSHEE që të mos i prisnin energjisë elektrike një familjeje që nuk kishte mundësi t’i paguante.

Me vendimin e formës së prerë, Memolla duhet të lërë postin e kryebashkiakut pasi do të vuajë dënimin në burg, ndërsa Bashkia e Rrogozhinës pritet të shkojë drejt zgjedhjeve të pjesshme të parakohshme.