Bashkia e Tiranës nis festimet për 103-vjetorin e Pavarësisë

Në kuadër të festimeve për festat e Nëntorit, bashkia e Tiranës ka organizuar një ceremoni me rastin e festës së Pavarësisë. Në ceremoninë që u organizua në sheshin “Skënderbej” mori pjesë edhe kreu i bashkisë, Erion Veliaj. Me një ambient të mbushur me zbukurime, të gjithë në sheshin Skënderbeu po festojnë, nën përkujdesjen e Bashkisë.Veliaj bëri thirrje për bashkim në përvjetorin e 103-të të Pavarësisë së Shqipërisë, duke thënë se shqiptarë bëjnë gjëra të mrekullueshme kur bashkohen.

“Le të bashkohemi të festojmë sepse kur shqiptarët janë bashkë bëjnë gjëra të mrekullueshme. Të festojmë dhe të kujtojmë se Shqipëria ka kaluar ditë të vështira. Shqipëria sot feston 103-vjetorin, por është më e re se kurrë”, deklaroi Veliaj.

R.SH