Basketbollistet afgane që sfiduan talibanët rrëfejnë jetën në Shqipëri

Lotët e 29-vjeçares Malalai Anëari, ndërsa këndohej himni i shtetit Afgan, tregojnë dhimbjen dhe vuajtjet e një populli që është detyruar të braktisë vendin e vet për shkak të luftës.

Ajo ishte një pedagoge në Afganistan dhe lojtare e ekipit kombëtar të basketbollit. Çdo gjë u pre në mes me rënien e këtij shteti në duart e talibanëve. Si shumë Afganë të tjerë, 29-vjeçarja prej pak muajsh ndodhet e akomoduar në qytetin e Shëngjinit.

Ajo dhe një pjesë e shoqeve të saj të ekipit të basketbollit ishin në Shkodër, në një ndeshje miqësore me vajzat e Vllaznisë, në kuadër të aktiviteteve të pagëzuara “Vendi mikpritës”.

Kanë lënë familjen atje në një situatë aspak të mirë politiko-ekonomike dhe ku siguria për jetën mungon. Organizimi erdhi në kuadër të një vizite që zhvilluan pak ditë më parë në Shkodër një grup afganësh që janë akomoduar në Shqipëri.