BE: Blerja e votës është kriminale, denonconi

Ambasadorja e BE-se Romana Vlahutin u ka bërë thirrje të rinjve të shkojnë të votojnë por dhe të denoncojnë rastet e manipulimeve.

“Blerja e votës është kriminale” mësohet të ketë thënë ambasadorja e BE-së duke i bërë apel të “denoncoj nërastet që manipulojnë demokracinë”.

“Në rast se ka prova, do të përmenden të gjitha. që dikush të paguajë dikë për votën, duhet të ekzistojë edhe dëshira e shitjes. Prandaj nuk duhet të bëheni pjesë e këtij transaksioni. nuk ka çmim që të mund ta blejë votën” nënvizoi diplomatja.

Lidhur me kandidatët e inkriminuar Vlahutin përgjigjet” “Ka pasur indicje që persona të inkriminuar janë pjesë e listave” por është e treguar e kujdesshme duke mos përmendur emra por duke u shprehur se “Ende nuk ka legjislacion që mund të na tregojë se kush mund të kandidoje ose jo” ka thënë diplomatja duke shtuar se ” Kjo është në dorë të votuesve të mos i zgjedhin”

“Nuk duam që në këto zgjedhje të kryhen votime familjare” u ka thënë ambasadorja e BE-së studentëvet ë Universitetit “Luigj Gurakuqi” në Shkodër gjatë një takimi që u zhvillua paraditen e 16 qershorit 2015

“Zgjedhjet vendore janë të rëndësishme pasi përcaktojnë cilësinë e jetës. Vota është liria juaj për të zgjedhur” nënvizoi ambasadorja duke specifikuar veçantinë e këtyre zgjedhjeve në Shkodër, që është fakti që 2 gra kandidojnë për kryetare bashkie, Keti Bazhdari nga e majta dhe Voltana Ademi nga e djathta.

Vlahutin ka zbuluar se të dielën e 21 qershorit do të jetë në Shkodër