BE i mbyll dyert Shqipërisë së Ramës/ Dule: Në tetor, Timonieri do të ketë ‘zbrazur qoshenë’…

Dyert e Bashkimit Evropian do të rrinë ende të mbyllura për Shqipërinë e Edi Ramës.

Komisioneri i BE-së për Politikat Evropiane të Fqinjësisë dhe Negociatat e Zgjerimit Johannes Hahn tha sot se nuk është arritur të merret një vendim në lidhje me hapjen e negociatave për Shqipërinë dhe Maqedoninë e Veriut këtë verë, duke theksuar se BE kërkon më shumë kohë për të vlerësuar rekomandimet e KE.

Lidhur me këtë vendim ka reaguar edhe kryetari i PBDNJ, Vangjel Dule.

Përmes një postimi në Twitter, Dule shprehet se përgjegjësi për këtë situatë ëshë vetë kryeministri Edi Rama.

Sipas tij, në tetor, kur pritet vendimi i rradhës për Shqipërinë, Rama nuk do të jetë më në krye të qeverisë.

Ja çfarë shkruan Vangjel Dule

“Mishërimi i së keqes politike të vendit, shoqerisë & qytetarëve, Timonieri i madh, fajëson opozitën dhe popullin e bashkuar për vendimin e sotëm negativ për çeljen e negociatave në Luksemburg duke i cilësuar “front politik të së keqes”. Por deshtimi ka emër dhe mbiemër: Edi Rama!

Tetori, histori tjetër, me shumë zhvillime në shumë drejtime, pozitive dhe dinamike: për votën e lirë, demokracinë funksionale, shtetin e së drejtës. Por mbi të gjitha, Timonieri do te ketë “zbrazur qoshenë” në krye të ekzekutivit”.