Befason kandidati për bashkinë e Libohovës: Do të ofroj falas shërbimin funeral

Premtimet e kandidatëve për zgjedhjet lokale kanë qenë ndër më të ndryshmet, shumë prej tyre të padëgjuara më parë. Një rast i tillë është premtimi i bërë nga Adil Xhelili, kandidati i koalicionit ”Bashkë Fitojmë” për bashkinë e Libohovës.

Përmes një postimi të bërë në Facebook, Xhelili mes premtimeve të bëra, nëse i besohet drejtimi i bashkisë, ka renditur edhe ofrimin falas të shërbimit funeral.

Ai shkruan se ofrimi falas i këtij shërbimi do të bëhet si pjesë e shërbimeve komunale të bashkisë Libohovë.