Belind Këlliçi, kreu i ri i FRPD

Belind Këlliçi do të jetë kreu i Forumit Rinor të Partisë Demokratike. Me 700 vota më tepër se rivali i tij Ervin Salianji, ai u zgjodh në votimin e sotëm nga të rinjtë e FRPD. Dy kandidatët e tjerë ishin Ervin Salianji dhe Orjela Nebijaj. Në 19 konventat e zhvilluara në rrethe, Këlliçi ka fituar në 11 prej tyre, bashkë me Tiranën 12.“Bashkë me fitoren, duhet një punë e madhe për të rinjtë e FRPD. Do të jap angazhimin tim maksimal për FRPD. Puna e parë e jona do të nisë më 8 dhjetor”, ka thënë Këlliçi menjëherë pas daljes së rezultatit në Tiranë që i dha fitoren.