Belind Këlliçi merr pafajësi nga Gjykata, ja për çfarë bëhet fjalë

Kandidati i demokratëve të Sali Berishës për kryetar i bashkisë së Tiranës, deputeti Belind Këlliçi ka marrë pafajësi nga Gjykata e Tiranës pas denoncimeve për krime zgjedhore në fushatën elektorale të vitit 2021.

“Problemi është se kemi të bëjmë me një qeverisje tërësisht autoritariste. Një qeveri që po tenton çdo ditë e më shumë të godasë opozitën, por nuk do t’ia dalin dot. Opozita, deputetët e opozitës betejën do ta bëjnë kudo, në rrugë, sheshe, Parlament, në gjykata. Kudo që qytetarët kanë nevojë të përfaqësohen”.

Po ashtu Këlliçi shprehu dëshirën që Gjykata e Posaçme Kundër Krimit të Organizuar dhe Kundër Korrupsionit ta thërrasë edhe për çështjen e Inceneratorit të Tiranës dhe për kallëzimet që opozita ka bërë për korrupsion galopant të qeverisë dhe për të mbrojtur interesin dhe financat publike.