Belind Këlliçi uron besimtarët ortodoksë: Qytetarët e thjeshtë kanë nevojë për më shumë dashuri

Kandidati i koalicionit “Bashkë Fitojmë” për kryetar bashkie në Tiranë Belind Këlliçi ka vizituar sot katedralen “Ngjallja e Krishtit” nga ku uroi të gjithë besimtarët ortodoksë për festën e Pashkës.

Ai tha se urimet sot nuk duhet të vinin nga politika, por nga drejtuesit e klerit dhe nga të gjithë shqiptarët.

“Është një ditë që urimet nuk duhet të vijnë nga politikanët, por nga drejtuesit e klerit dhe nga besimtarët. Nga qytetarët e thjeshtë të këtij vendi që kanë më shumë nevojë për më shumë dashuri”, tha Këlliçi.