Bëni plane/Fundjavë e ngrohtë, temperatura mbi 17°C

Pas ditëve të ftohta dhe më shi, kjo fundjavë është për të dalë. Fundjava paraqitet me kthjellime dhe vranësira kalimtare në veriperëndim gjatë së shtunës por vranësira më të dukshme do të ketë dita e diel, kryesisht në veri dhe zonat qendrore duke krijuar mundësi për reshje të izoluara në skajin Verior të vendit. Temperaturat e ajrit në këtë fundjavë do të shënojnë rritje të ndjeshme pasi termometri në zonat malore pritet të ngjitet në 14°C, ndërsa vlerat maksimale do të arrijnë mbi 17°C në zonat e ulëta dhe bregdetare.