Beqaj kërkoi shfuqizimin e masës ”arrest me burg”, Gjykata Kushtetuese rrëzon kërkesën

Gjykata Kushtetuese ka refuzuar kërkesën e ish-ministrit të Shëndetësisë, Ilir Beqaj për shfuqizimin si të papajtueshëm me Kushtetutën të vendimit të Gjykatës së Posaçme për Korrupsionin dhe Krimin e Organizuar, që caktoi ndaj tij masën “arrest me burg”.

Beqaj kërkoi rigjykim në Gjykatën e Posaçme të Shkallës së Parë, si dhe rrëzimin e vendimeve të Gjykatës së Apelit dhe të Gjykatës së Lartë, por kërkesat e tij u lanë në fuqi sipas procedurës ligjore.

Ish-ministri ndodhet në burg që nga 4 korriku 2024, pas arrestimit nga SPAK për abuzime me fondet e Bashkimit Europian në agjencinë SASPAC, ku shërbente si drejtor. Ndërkohë, për çështjen e “Sterilizimit”, Beqaj po ndiqet në gjendje të lirë.