Beqaj: Vonesa e ambulancave për shkak edhe të infrastrukturës

“Ne kemi nevojë ta rithemelojmë shërbimin kombëtar të urgjencës. Edhe unë marr shumë informacione që ka vonesa tek ambulancave, sigurisht që lidhet me flotën e pamjaftueshme, me rrjetin rrugor. Por them që kur dikush pret me padurim të vijë ambulanca, ato minuta i duken si orë pambarim”

Beqaj theksoi mungesën e mjekëve specialistë në rrethe, ku për të plotësuar këto mangësi do rihapen specializimet me 360 kuota.

“Kemi marrë vendimin në qeveri për të rihapur specializimet. Janë360 kuota dhe besoj se javën e ardhshme, Universiteti i Mjekësisë do të realizojë edhe konkurset.”

Ministri i Shëndetësisë në Berat bashkëbisedoi me shoqërinë civile, mësues, nxënës dhe mjekë rreth dëmeve që sjell konsumimi i duhanit.