Berat/ Hedhja e kryqit në lumin Osum, besimtarët sfidojnë borën

 Temperaturat e ulëta dhe dëbora që ra paradite në Berat nuk e kanë penguar zhvillimin e ceremonisë së hedhjes së kryqit në lumin Osum.

Festa e Ujit te Bekuar ,e cila simbolikisht shenon pagezimin e Jezu Krishtit ne lumin Jordan, eshte percjelle ne nje atmosfere interesante ne Berat ku besimtaret jane mbledhur te ura e Gorices per te ndjekur ritualin e hedhjes se kryqit ne lumin Osum.

Sic eshte edhe tradita, nje grup djemsh ishin zhytur ne ujerat e lumit per te kapur kryqin dhe ky akt per cdo person do te sillte fat e mbaresi per tere vitin.

Per te ndjekur kete ceremoni ishin të pranishëm besimtare te shumte, madje siç është edhe tradita, edhe nga besimet e tjera fetare. I pranishëm ishte edhe kryetari i bashkise së Beratit, Petrit Sinaj, Bledi Klosi Ministri i Mirëqenise Sociale, Sekretari Politik i LSI, për qarkun e Beratit, Nasip Naco dhe deputetë të qarkut.

Kryqin e hedhur nga drejtues te komunitetit ortodoks ne lumin Osum e kapi i riu Xhoxhi Naço.

Pas kesaj ceremonie u zhvilluan vizita ne Mitropoline e Beratit. Kryebashkiaku Sinaj, sekretari politik Naço, si edhe drejtues të LSI ne Berat i kanë uruar drejtuesve të komunitetit ortodoks këtë festë të rëndësishme në kalendarin fetar. Ata u pritën nga episkopi i dioqezës së Beratit, Vlorës, Kaninës hiresia e tij Imzot Ignati si edhe priftërinj te dioqezes.

“Kjo është një dite e shënuar jo vetëm për besimtaret ortodoks,- tha kryebashkiaku  Sinaj,-pasi tradita ne Berat sjell një festë sa të bukur, aq edhe kolektive, të shquar për masivitetin e saj, por edhe tregues i bashkëjetesës fetare aq të njohur për qytetin e Beratit”.

“Në këtë ditë,- vijoi Sinaj,- çdo besimtar  afrohet edhe më shume me Zotin duke na ftuar për më shume paqe dhe dashuri, për më shumë tolerancë dhe mirëkuptim.