Berisha ironizon ministrin Lleshaj: Arrestoi “të fortin” e Lezhës

Ish-kryeministri Sali Berisha ka reaguar pas arrestimit të 16 personave nga Policia e Shtetit pas protestës së 16 shkurtit, ndërsa bën me dije se në mesin e tyre rezulton edhe një i moshuar.

Përmes një postimi në faqen e tij të “Facebook”, Berisha teksa ndan foton e një të moshuari, shkruan se ministri i Brendshëm, Sandër Lleshaj ka vënë në pranga një 80-vjeçar.

Në postim, ish-kryeministri nuk kursen edhe ironinë ndërsa e cilëson të moshuarin edhe ‘si të fortin e Lezhës.

“Lleshi arreston ‘të fortin e Lezhës’ 80-vjeçarit iu sekuestrua edhe flamuri si provë materiale”, shkruan Berisha.