Berisha: Jo më Lulzim brava, por nga sot deputeti Basha. Pasi mori përgjegjësinë e humbjes

Në konferencën e parë në selinë blu pas fitores ku Gjykata njohu Kuvendin e ”Foltores”, Sali Berisha ka zbutur tonet edhe me Lulzim Bashën, ku tha se për të nuk do të jetë më Lulzim Brava, por deputeti Basha dhe se do i jap dorën sa herë ta takojë.

”Zoti Basha dha dorëheqjen, mori përsipër të gjithë pasojat e kursit që zgjodhi në fakt dorëheqja e tij nuk lidhet vetëm me 9 shtatorin por ka dhe serialin e humbjeve të njëpasnjëshme. Nuk kam pse i them më deputeti Brava, por deputeti Basha”.

Quhet pajtim?

Berisha: Ai është deputet dhe ju thash po të ishte në zyrë do shkoja t’i jepja dorën, unë kam komunikim me çdo demokrat. Ka shumë kohë që kam komunikuar për herë të fundit.