Berisha lëshon akuza ndaj Yuri Kim: Bashkëpunon me Ramën për të rrëmbyer logon e PD

Gjatë një interviste për RTSH me gazetaren Elona Meço, kryetari i PD-së Sali Berisha vijon me akuza të forta në drejtim të ambasadores së SHBA-së në Tiranë, Yuri Kim. Në një kohë kur në Gjykatën e Apelit nuk ka asnjë vendim se kujt i përket vula e partisë, Berisha ka drejtuar gishtin drejt diplomates amerikane, duke thënë se në bashkëpunim me kryeministrin Edi Rama po punojnë kundër PD-së.

“Ju pengon në objektivat që keni padia gjyqësore me palën tjetër? Mungesa e vulës zyrtare, logos, etj?

Berisha: Nuk ka palë tjetër këtu. Ka qeveri dhe guvernatorja, Yuri Kim.

Dhe grupimi tjetër i PD.

Berisha: Jo, ata janë një mashë e tyre. Këtu është qeveria, që me çdo kusht, do që t’i rrëmbejë logon PD-së, pra Edi Rama, ndihmuar në mënyrën më absurde dhe më të papranueshme nga ambasadorja Yuri Kim.