Berisha me kandidatët për 14 Majin: Ne u ngritëm nga hiri si feniksi

Sali Berisha ka zhvilluar një mbledhje me kandidatët për kryetar bashkie të Partisë Demokratike, ku i është rikthyer sërish vendimit të Gjykatës së Lartë, që duke rikthyer çështjen në themel në shkallën e Parë i pamundëson atij të marrë zyrtarisht çelësat e partisë, të paktën për momentin.

“Rama mendoi se me këtë akt na dha një goditje dhe shpëtoi nga opozita e vërtetë.

E vërteta është e kundërta, ai nuk do të shpëtojë kurrë nga PD e cila u ngrit si feniksi nga hiri, apo labirintet e kurtheve të paimagjinueshme shqiptare e ndërkombëtare, dhe vjen sot më e fuqishme se kurrë në betejë në një monizëm të plotë të bazuar në krimin, drogën dhe vjedhjen”.