Berisha me zyrë të re në PD, Bardhi: S’ka kohë të reagojë, dhe Rama po ndihet i tmerruar

Sekretari i Përgjithshëm i PD-së, Gazment Bardhi ka komentuar lajmin e fundit se Sali Berisha tashmë ka zyrë të re në PD. Me ironi Bardhi thotë se Berisha dhe Komisioni i Rithemelimit nuk kanë kohë të reagojë për raportin e DASH, dhe se Edi Rama do ndihet i tmerruar.

“Lajme nga “opozita” e vërtetë: Ndërkohë SHBA ka pranuar masakrën zgjedhore të 25 Prillit, blerjen e votova nga krimi i organizuar për llogari të Edi Ramës, “opozita” e vërtetë është e zënë me karriget dhe nuk ka kohë të reagojë.

Pas fotove të shumta në zyrat e PD, vendosjes së karrigeve dhe pozicionit të ri të tavolinave në zyrën e Kryetarit, Edi Rama ndjehet i tmerruar se ka kuptuar që po i vjen fundi. Rëndësi ka që kemi zbuluar një kulak të ri, quhet Enkelejd Alibeaj”.