Berisha nga selia blu: Rama do të dorëzojë pushtetin sa më parë

Ish-kryeministri Sali Berisha e ka cilësuar këtë dhjetorin e dytë të ri për PD-në, ndërsa shprehu mirënjohjen për demokratët që treguan guxim e vendosmëri për ta shndërruar atë në fuqinë më të madhe morale.

“Mirënjohje çdo demokrati shqiptar që e shndërruan këtë dhjetor në një dhjetor të ri të cilët me vendosmëri guxim, trimëri e vizion rithemeluan PD-në e shndërruan atë në fuqinë më të madhe morale dhe së shpejti të gjithanshme të këtij vendi”.

Po ashtu Sali Berisha tha se kryeministri Edi Rama do të dorëzojë pushtetin sa më parë, pasi sipas tij është mykur nga koka te këmbët.

“Mbyllni sytë dhe imagjinoni forcën tjetër politike të Ramës që është mykur nga këmbët te koka dhe do të dorëzojë pushtetin sa më parë. Në familjen e demokratëve nuk ka presion përkundrazi janë të ftuar të gjithë të vijnë”.