Berisha nis fushatën/ PD sulmon edhe Metën: Çdo votë për shtëpinë e Ilirit, është edhe për Ramën
Sot Sali Berisha nisi fushatën për zgjedhjet e pjesshme lokale të 6 marsit, ku PD-ja thotë se çdo votë për koalicionin “Shtëpia e Lirisë”, është edhe për Edi Ramën.
Selia blu sulmon edhe Ilir Metën, ku thotë se demokratët e dinë sesi Presidenti ka përdorur pushtetin dhe votat e tyre për pazarin me Edi Ramën në 2013.
“Sali Berisha dhe kandidatët e tij janë tashmë pjesë e LSI-së dhe ndonëse duket që u vjen turp nga anëtarësimi në këtë parti, ata nuk i lidh me asgje me PD, sado mashtrojnë duke përdorur emrin dhe simbolet e saj”.
Postimi i plotë
Sali Berisha vazhdon të manipulojë demokratët. Kandidatët e shtëpisë së Ilirit sot përfaqësojnë Ilir Metën dhe nuk kanë asnjë lidhje me PD.
Disa njerëz nga Shtëpia e Ilirit e kanë të vështirë të heqin dorë nga e kaluara e tyre, por çdo votë për këtë shtëpi është votë për pazarin e radhës Meta-Rama. Shqiptarët e dinë shumë mirë që Parti Demokratike është një, dhe LSI një gjë tjetër.
Sali Berisha dhe kandidatët e tij janë tashmë pjesë e LSI-së dhe ndonëse duket që u vjen turp nga anëtarësimi në këtë parti, ata nuk i lidh me asgje me PD, sado mashtrojnë duke përdorur emrin dhe simbolet e saj.
Demokratët e dinë se si Ilir Meta ka përdorur pushtetin dhe votat e tyre për pazarin me Edi Ramën ne 2013. Sot po bën të njëjtën gjë. Prandaj kush zgjedh Metën dhe Berishën, mban Ramën!
