Berisha “non-grata” edhe nga BE-ja? Borrell flet për herë të parë: S’ka asnjë propozim për sanksione

Kreu i grupit të PS-së, Taulant Balla dhe jo ai, ka thënë se Sali Berisha do të shpallet “non-grata” edhe nga Bashkimi Europian, përpos SHBA-së dhe Britanisë së Madhe.

Përfaqësuesi i Lartë i BE për Çështjet e Jashtme dhe Politikat e Sigurisë, Josep Borrell, tha sot në konferencën për shtyp me Ramën, se nuk ka asnjë propozim për të shpallur non-grata Sali Berishën.

“Nga ana jonë, e vetmja gjë që mund të themi është që ne i marrim vendimet për sanksionet në këshill, por me sa di unë nuk ka asnjë informacion për propozim për sanksione për qytetarë shqiptarë”, tha Borrell gjatë një konferencë për mediat në Tiranë, ku mori pjesë në këshillin e Stabilizim-Asocimit.