Berisha: Qeveria zvarrit ”Rrugën e Arbrit”, Skavica përmbyt tokat pjellore të Dibrës

Kryeministri Edi Rama inauguroi dy ditë më parë një tjetër segment të ”Rrugës së Arbrit” dhe lajmëroi përfundimin e tunelit të Murrizit brenda këtij viti. Por Sali Berisha në takimin elektoral me dibranët, tregoi arsyet përse qeveria e tij nuk e përfundoi ndërtimin e rrugës dhe arsyet përse po zvarriten punimet nga socialistët.

“Pse e ndërpreve Sali? Ajo u ndërpre për shkak se shimi i tunelit të Qafë Murrizit ishte i pamundur”. Berisha siç ka bërë prej dy vitesh ripërsërit se Rama me ndërtimin e Skavicës do të përmbysë të ardhmen e Dibrës. Duke i meshuar disa herë faktit se Rama siç thotë nuk e do veriun, kreu i demokratëve iu kërkoi dibranëve ta duan qytetin e tyre aq sa e do ai.

Në takimin elektoral në Bulqizë, Berisha foli për keqmenaxhimin e pasurisë më të madhe që ka toka e kësaj bashkie, kromin duke mos u sjellë asnjë përfitim banorëve. “Mbi 20 milionë tonelata krom shfrytëzohen në mënyrë të egër”.