Berisha takim me banorët në Dibër: Basha arrë me vrimë, i ka rënë mbështetja te këmbët

Gjatë një takimi me banorët e Fushë-Alisë në Dibër, duke iu referuar sondazheve më të fundit, ish-kryeministri Sali Berisha u kujtoi demokratëve mbështetjen e ulët që gëzon Lulzim Basha jo vetëm në partinë e që drejton. “I ka rënë mbështetja tek këmbët, sepse askush nuk mbështet besëprerët”.

Po ashtu Berisha kishte gjetur një epitet të ri për kryetarin e PD-së. “Ai që drejtonte opozitën ishte arrë me vrimë dhe ju e dini që arra me vrimë as nuk hahet as nuk mbillet vetëm hidhet”.

Nisur nga fakti që takimi u bë për zgjedhjet e pjesshme të 6 marsit, që pëfshijnë edhe bashkinë e Dibrës, Berisha kërkoi nga kandidati i PD zyrtare për bashkinë e Dibrës që të lërë mënjanë inatet dhe t’i bashkohet lëvizjes së tij.