Berisha thirrje kryetarëve të degëve: Të organizojmë mosbindjen civile më të fuqishme

Gjatë takimit me kryetarët e degëve në selinë blu, Sali Berisha u bëri thirrje drejtuesve të degëve që të nisin aksionet e mosbindjes civile.

“Të organizojmë në çdo degë dhe kudo, aksione dhe veprime të mosbindjes civile ndër më të fuqishmet. Në Shqipëri nuk mund të ketë më paqe gjer në përmbysjen e mobokracisë dhe rivendosjen e të drejtave të shqiptarëve për të votuar të lirë”,-u shpreh Berisha.

Për të mbledhja e kësaj pasditeje ka si mesazh kryesor faktin se kundërshtari i tij politik, Edi Rama e ka kuptuar se opozitën nuk mund ta mbajë më në kontroll.