Beteja e politikanëve shqiptarë me Covid-19

Ish-deputeti i PS-së, Fatmir Toçi përmes një postimi në facebook, dha lajmin e mirë se tashmë e ka fituar betejën me Covid-19 pas 25 ditësh i infektuar, duke u bërë kështu politikani i tretë që ia del mbanë. Toçi është një nga së paku 7 politikanët të cilët janë infektuar me Covid-19 në Shqipëri.

Teksa kemi hyrë në muajin e gjashtë të pandemisë, në Shqipëri janë raportuar 5,620 raste me Covid-19, prej të cilave 3,031 kanë mundur të shërohen, 2,417 mbeten ende mbartës të virusit ndërsa 172 persona nuk kanë mundur t’ia dalin mbanë.

Emrat

Më 24 mars, deputeti Adriatik Alimadhi, u shërua pas 49 ditësh.
Më 9 korrik, ish-deputeti Fatmir Toçi, u shërua pas 25 ditësh.
Më 25 korrik, kryebashkiaku i Mirditës, Ndrec Deda, ende i infektuar.
Më 10 korrik, deputeti Elio Hysko, u deklarua i shëruar pas rreth 3 javësh.
Më 27 korrik, kryebashkiaku i Tiranës, Erion Veliaj, ende i infektuar.
Më 27 korrik, deputeti Ralf Gjoni, ende i infektuar.
Më 27 korrik, deputeti Enver Roshi, ende i infektuar.