Betimi si kryetar, Beleri: Çështja do shkojë në gjykatat ndërkombëtare

As këtë të hënë Gjykata e Posaçme nuk doli me një vendim për kërkesën e Fredi Belerit për leje të veçantë nga burgu duke shtyrë seancën. Avokatët thanë se janë refuzuar tre herë nga Drejtoria e Përgjithshme e burgjeve.

Beleri në seancë ka hedhur akuza në drejtim të kryeministrit Rama dhe ka kundërshtuar drejtimin e Bashkisë së Himarës edhe pas humbjes në zgjedhjet e 14 Majit, nga rivali i tij socialist Jorgo Goro.

“Kam 7 muaj që nuk më jepet e drejta, që më kanë dhënë qytetarët e Himarës. Është diskriminim politik, ka vendime politike. Kryeministri pozicionohet e mban qëndrim para çdo seance. Humbësi i zgjedhjeve komandon bashkinë e Himarës, kjo nuk është parë në asnjë vend të botës. Humbësi të komandojë bashkinë. Do të doja që kjo çështje të merrte fund. Do e kërkoj të drejtën në gjithë gjykatat, por edhe ato ndërkombëtare”.