Biberaj: Kulmi i hipokrizisë, Edi Rama shkon për show në vendin e krimit!

Ish-deputeti demokrat Aleksandër Biberaj e cilëson si hipokrizi të kryeministrit Edi Rama vizitën që ai zhvilloi mesditën e sotme në shtëpinë e Klodian Rashës, 25 vjeçarit që u ekzekutua nga policia në orët e para të së martës se nuk kishte zbatuar orën policore të vendosur në kuadër të masave për parandalimin e përhapjes së koronavirusit.

Përmes rrjeteve sociale, Biberaj shprehet se Edi Rama shkoi për shoë në vendin e krimit, duke theksuar si Kulmin e hipokrizisë, që, sipas tij, “Të vret natën dhe të qan ditën, siç bënë komunistët për 50 vjet.

“Të dashur miq, ndodhi ajo që edhe pritej! I sapo kthyer nga pazaret dhe lobingjet personale në SHBA, Edi Rama ka nxituar të shkojë tek vendi i krimit, ku para 48 orësh, policia e inkriminuar e tij, e frymëzuar nga arroganca, prepotenca, ç’ekuilibrimi dhe dhuna verbale e tij ndaj qytetarëve shqiptarë, dhunoi dhe vrau 25 vjeçarin Klodjan Rasha në derën e shtëpisë së tij. Akoma deri tani asnjë autoritet publik nuk ka kërkuar falje për këtë krim shtetëror, ndërkohë që policia e shtetit ka gënjyer dhe mashtruar me deklaratat e saj fallco. Kjo vizitë është show i radhës i iniciuesit, frymëzuesit dhe sponsorizuesit të çdo akti dhune të segmenteve të inkriminuara shtetërore ndaj qytetarëve shqiptare! Fundi i Edi Ramës është i shpejtë dhe i pashmangshëm!”, shprehet ish-ligjvënësi demokrat Aleksandër Biberaj.