Bie bilanci i jetëve të humbura, 4 viktima në 24 orë nga Covid-19

Pas muajve me shifra të larta në humbje të qytetarëve të prekur nga Covid-19, në 24 orët e fundit ka ulje. Sipas Ministrisë së Shëndetësisë, janë 4 humbje jete në 24 orë nga Covid-19 dhe numri i viktimave që nga fillimi i pandemisë shkon në 2137. ”3 qytetarë nga Tirana, 1 qytetar nga Tepelena, të moshave 62-89 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve”,-informon Ministria e Shëndetësisë.

Po në 24 orët e fundit janë kryer 3487 testime, nga të cilat kanë rezultuar pozitivë 659 qytetarë. Rastet pozitive të konfirmuara janë identifikuar në këto bashki ”148 raste në Tiranë, nga 34 raste në Fier, Berat, nga 28 raste në Durrës, Elbasan, Gjirokastër, 26 në Korçë, 25 në Shkodër, 24 në Kukës, 23 në Vlorë, nga 20 raste në Pogradec, Gramsh, 19 në Kavajë, 18 në Lushnje, 17 në Tepelenë, 16 në Ura Vajgurore, 14 në Peqin, 13 në Krujë, nga 12 raste në Kurbin, Mallakastër, nga 10 raste në Malësi e Madhe, Kuçovë, 9 në Sarandë, nga 7 raste në Devoll, Vau i Dejës, 6 në Shijak, 5 në Mirditë, nga 4 raste në Përmet, Divjakë, Skrapar, nga 3 raste në Lezhë, Pukë, Librazhd, Kamëz, Memaliaj, Kolonjë, Maliq, Poliçan, nga 2 raste në Tropojë, Fushë Arrëz, nga 1 rast në Rrogozhinë, Delvinë, Roskovec, Finiq, Cerrik, Këlcyrë”.

Lajmi i mirë është se në 24 orët e fundit janë shëruar 522 qytetarë, duke e çuar numrin e të shëruarve në 85,147 që nga fillimi i epidemisë. Në spitalet Covid në Tiranë dhe tre spitalet rajonale po trajtohen 392 pacientë, 25 në terapi intensive, nga të cilët 9 pacientë janë të intubuar.

Sot janë kryer 1685 vaksinime anti-covid dhe që nga fillimi i vaksinimit janë kryer 46,515 vaksinime për personelin shëndetësor, të moshuarit dhe mësuesit. Ministria e Shëndetësisë dhe Mbrojtjes Sociale, u bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e Covid-19. ”Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga Covid-19”.

Statistika (21 Mars 2021)

Raste të reja ditore 659
Të shëruar në 24 orë 522
Të shtruar në spitale 392
Humbje jete në 24 orë 4
Testime ditore 3487
Testime totale 532,796
Raste pozitive 121,200
Raste të shëruara 85,147
Raste aktive 33,916
Humbje jete 2137

Shpërndarja gjeografike e rasteve aktive sipas qarqeve:

Tiranë 22994
Fier 2647
Durrës 1574
Vlorë 1422
Shkodër 1299
Gjirokastër 1225
Korçë 809
Lezhë 635
Elbasan 453
Kukës 346
Dibër 340
Berat 172