Bie detyrimi për vaksinim, kushti i vetëm për studentët është maska

Dy javë nga nisja e vitit të ri akademik, mbajtja e maskës është kushti që studentët të mund të ndjekin fizikisht procesin mësimor në auditorë. Bie detyrimi për vaksinimin.

Shumë zhurmë për asgjë, shprehet studentët, mbi qëndrimet e institucioneve të shëndetësisë, apo politikës lidhur me detyrimin për të qenë të vaksinuar për të mundur të ndjekur procesin fizik mësimor në auditorë.

Rektori i Universitetit të Tiranës, Artan Hoxha tha se pasja e një certifikate vaksinimi apo të tjera dokumenteve që konfirmojnë mosinfektimin nga Covid-19 nuk janë kusht detyrues për praninë fizike të studentëve në auditorë.