Bie në kontakt me energjinë në kabinën elektrike, në gjendje të rëndë 55-vjeçari

Një 55-vjeçar është shoqëruar në gjendje të rëndë për jetën në spitalin e Lezhës, pas kontaktit me energjinë elektrike, në një kabinë.

Mësohet se kabina ku ka rënë në kontakt me energjinë 55-vjeçari, emri i të cilit nuk është bërë i ditur, nuk ka as sigurinë më minimale duke vënë në rrezik edhe jetët e fëmijëve.

Grupi hetimor ka shkuar menjëherë në vendngjarje dhe po punon për zbardhjen e rrethanave.

Kabinat elektrike të amortizuara  janë një shqetësim i vazhdueshëm për shumë familje në Lezhë.